DHIMMWF Lakk galmee 119851 tahe irratti murtii dirqisiisaa Abbootiin seeraa 7n gaafa 26/07/2011:dhimma yeroo kam MSD irrratti jala murtii kannamee irraa yeroo oliyyannoo...

DHIMMWF Lakk galmee 119851 tahe irratti murtii dirqisiisaa Abbootiin seeraa 7 irratti muudaman gaafa 26/07/2011 kanneen dhimma yeroo kam MSD irrratti jala murtii kannamee irraa oliyyannoon ykn iyyannoon ijibbaataa yeroo kam dhiyaachuu akka qabuun walqabatee murtiiwwan dirqisiisaa duraan kannaman kan jijjireedha.

====================

Kunis murtii mormii sadarkaa duraa irratti M/Murtii Ol’iyyannoo dhagahuun kennamu irraa gareen komii qabu eega dhimmichi qajeelfamaan M/Murtii sadarkaa jalqabaatti deebi’uun ijoo haadhoo irratti murtiin dhumaa kenname booda bakka tokkotti komii isaa Mana Murtii ol’iyyannoo dhagahutti ykn Dhaddacha Ijibbaataa ilaalutti dhiyeeffachuu akka danda’uu fi otuu dhimmichi ijoo bu’uraa irratti murtii dhumaa hinargatin murtii mormii sadarkaa duraa irratti kenname irraa battalumatti ol’iyyachuuf kan hindirqamne akka ta’e kallattiin hiikkoo seeraa dirqisiisaa laateers.

====================

Murtiin kun hiikkoo duraan dhaddachi Ijibbaataa galmeewwa lakk-90810, 76963, 125165 fi kan biroo ta’an irratti kennee tureen jijjiireera. Kunis duraan mormii sadarkaa duraa irratti murtii mana murtii ol’iyyata dhaga’uun kennamu mormuudhaan iyyanni dhaddacha ijibbaataatti dhiyaachuu kan qabu guyyaa murtichi kenname irraa kaasee daangaa yeroo iyyanna dhaddacha ijibbaataatti dhiyeeffachuuf kaa’ame keessatti ta’uu akka qabu murteesseera ture.

==================

Haala kanaan duraan murtii firii dubbii irratti kennamu eeguudhaan oliyyanni ykn iyyannoon ijibbaataa bakka tokkotti dhiyaatu bu’uura seeraa hin qabu jechuun kannee ture jijjiireera. Murtii ammaa kanaan garuu eega ijoo bu’uraa irratti gad-deebi’uun murtiin dhumaa kenname booda komiin bakka tokkotti dhiyaachuu akka qabu murteesseera. ===================